Devonxona Nukus innovatsion institutining tarkibiy bo‘limi hisoblanib, Institutning amaldagi ustaviga asosan ish yuritadi va bevosita Institut rektoriga bo‘ysinadi.Devonxona Nukus innovatsion instituti rektorining buyruq va ko‘rsatmalari, Institutning ish yurutish bo‘yicha amaldagi yo‘riqnomasiga asoslanib o‘z faoliyatini olib boradi.

Devonxona o‘zining dumaloq muhriga va to‘rtburchakli tamg‘asiga ega bo‘lib, ular devonxona mudiri ixtiyoridagi seyfda saqlanadi.

Devonxonada xodimlar quyidagi lavozimlarda faoliyat ko‘rsatadilar: devonxona mudiri, ish yurituvchi, kuryer (jami to‘rt shtat birligi).

Devonxona bo‘limining vazifalari quyidagilardan iborat:

1.1. Yuqori tashkilotlardan, oliy ta’lim muassasalaridan, O‘zbekiston Respublikasi hududidagi va undan tashqaridagi tashkilotlardan yuborilgan jo‘natmalarni qabul qilish hamda Institutdan yuboriladigan rasmiy hujjatlarni ularga jo‘natish.

1.2. Hujjatlarni saralash, fakultetlar, bo‘limlar va tegishli shaxslarga yetkazish.

1.3. Institut ma’muriyati nomiga kelgan ariza va boshqa buyurtma xatlarni ro‘yxatga olish.

1.4. Ish yuritishni tashkil etish, qabul qilingan hujjatlarni o‘z vaqtida ro‘yxatga olish, rasmiylashritish hamda tegishli tashkilotlarga jo‘natish.

1.5. Olingan hujjatlar haqida Institut ma’muriyatiga, ijro etuvchi shaxslarga ma’lumot berish.

1.6. Institut faoliyatini tashkil etish bilan bog‘liq ijro (ij) buyruqlar, moliya ishlari va xizmat safarlari bilan bog‘liq (xs-m) buyruqlarning hamda ma’lum muddat uchun chiqariladigan farmoyish (f)larning asl nusxasini ro‘yxatga olish, rasmiylashtirish, buyruqlarning nusxalarini o‘z vaqtida mas’ul shaxslar, ijrochilar, tegishli fakultetlar va bo‘limlarga tarqatish.

1.7. Devonxona orqali chiqarilgan buyruqlar asoslarini va buyruqlarning asl nusxalarini Institut arxiviga topshirilgunicha saqlash.

1.8. Institut bo‘yicha chiqariladigan farmoyishlarni qayd etish, nusxalarini tegishli fakultetlar, bo‘limlar, mas’ul shaxslarga yetkazish, ijrochilarga yetkazish, asl nusxalarini Institut arxiviga topshirilgunicha saqlash.

1.9. Xizmat safari guvohnomalarini rasmiylashtirish, ro‘yxatga olish.

1.10. Institutga kelgan ilmiy xodimlar, mehmonlar xizmat safari guvohnomalarini rasmiylashtirish, ro‘yxatga olish.

1.11. Telegrammalar, buyurtma xatlar, shaxsiy hujjatlar va boshqalarni qabul qilish hamda jo‘natish.

12. Institut arxiviga topshirilishi lozim bo‘lgan buyruqlar va boshqa hujjatlarni o‘z vaqtida rasmiylashtirish va topshirish.

Devonxona mudiri topshirig‘iga binoan ish yuritadi. Bo‘limdagi barcha hujjatlarning tartibiga javob beradi. Quyidagi vazifalarning bajarilishiga mas’uldir:

- Institut bo‘yicha xizmat safarlari va moliya ishlari bo‘yicha (xs-m), ijro uchun (ij) buyruqlar, ma’lum muddat uchun chiqariladigan farmoyish (f) loyihasini tayyorlaydi, kompyuterdan chiqqandan so‘ng tekshiradi, imzo uchun tayyorlaydi, tegishli fakultetlar, bo‘limlar, kafedralar hamda mas’ul shaxslarga tarqatilishini nazorat qiladi.

- Institut bo‘yicha xizmat safarlari va moliya ishlari bo‘yicha (xs-m), ijro uchun (ij) buyruqlar, ma’lum muddat uchun chiqariladigan farmoyish (f) buyruqlarni ro‘yxatga olish kitobiga qayd qilib boradi.

- Institut bo‘yicha xizmat safarlari va moliya ishlari bo‘yicha (xs-m), ijro uchun (ij) buyruqlar, ma’lum muddat uchun chiqariladigan farmoyish (f) oylik hisobotini tayyorlaydi.

- Xizmat safariga ketuvchilarning va Institutga xizmat safari bilan kelganlar hujjatlarining rasmiylashtirish bilan shug‘ullanadi.

- Tayyor buyruqlarni prorektorlarga imzolatish, rektor qabuliga yetkazish, buyruq nusxalarini fakultetlar, bo‘limlarga tarqatish.

- Tashkilotlardan kelgan hujjatlar, bildirishnomalar, xodimlar va talabalarning arizalari, pochta orqali olinadigan barcha turdagi korrespondensiyalarni qabul qilish va rasmiylashtirish, shikoyat va arizalar bo‘yicha hisobot tayyorlash;

- Nazorat dasturini xato va kamchiliklarsiz yuritish;

- Institutdan chiqadigan hujjatlarning elektron hisobini yuritish;

- Xodimlarga beriladigan Institut xos qog‘ozi (blank)ni ro‘yxatga olish.